أترك الوظيفة ولا أكمل دراستي ؟ .. والله أحترت :/

السلام عليكم
..
اسعد الله اوقاتكم بكل خير :)
أخواني اتمنى تشيروني بها الموضوع لأني والله محتار ليل نهار ولاني ادري وين أوجه !!
مرات اقول اجمع دارهم واطلع ادرس ومرات اقول انتساب بكالوريس بجامعة الدمام ولا الملك فيصل ولا جامعة الملك الالكترونية !
انا الحمدلله عندي الرغبة في الدراسة تخرجت من الثانوية تخصصي علمي الانجليزي جايب 92% الكيمياء والاحياء 87% يعني مقبولة الرياضيات والفيزياء اعترف بأنها سيئة 77% ونسبتي الثانوية 84 % طيبه جدا !!
لكن انا اعرف قدراتي العلمية احب الدراسة ما عندي مشكلة فيها عمري الان 21 سنة .. متخرج من معهد الجبيل التقني دبلوم تخصص كهرباء والالكترونيات وموظف بشركة سابك اوبريشن بالدرجة السابعة .. راتبي تقريبا 9500 الى 10000 مع الشفتات والايام الاضافية غير البونس السنوي !
______
عندي الرغبة اكمل دراستي في امريكا وعندي الاستعداد لكن اخاف ارجع من امريكا واجلس كم سنة عاطل وقتها عمري يكون 27 او 28 فصعبة جدا !
احترت , ربعي يقولون العبها صح وادرس وانت موظف ادارة اعمال بكالوريوس وقدمها للشركة وانت موظف وبيعطونك بوزيشن أكيد !!

فتكفون اتمنى تفيدوني بأستشاراتكم وارائكم :)

انا بتخيل ان وضعي نفس وضعك .. صدقني لا اسحب على البعثه .. ماشاء الله راتب كويس وفي سابك ماعتقد ان فيه احلى من كذا ماشاء الله .. انا قعدت ٤ سنين متنقل من بين ٣ شركات وكلها ف المطار .. لاكن للاسف سيئه رواتب سيئه وحطيت الرحال على البعثه وان شاء الله تتيسر لكن نصيحتي ادرس انتساب وانت عمرك باقي صغير ماتتخرج ان شاء الله الا وعمرك ٢٦ ان شاء الله وراتبك فوق ١٣ الف ، احسبها صح واستخير واستشير من ناس اكثر خبرة
موفق

نصيحة لا تستقيــل ...!

موفـــق..

نصيييييحه لاتستقيل ولاتترك وظيفتك
الناس تتغرب وتدرس عشان تتوظف وانت تسوي العكس
كمل انتساب وخذ تخصص يفيدك في مجال عملك
استخير واستخير وفكر بالعقل

والله لو تجيني وظيفه اسحب ع البعثه

نصيحه لوجه الله .. لا تستقيل جيب بكالريوس ثم قدم لبرنامج الملك للماجستير .. ترا مسأله الالحاق برا عوار قلب و الله و مجازفه كبيره

نصحيتي لك

هل انتا راضي على نفسك ؟ هل انتا تشوف نفسك في هذي الوظيفه ابدا ؟ هل اكتفيت علميا ؟ اما ودك تسافر عشان تتمشه ؟ ولا تتعلم ؟

ترى شوف الرازق هوا الله ، والله رزقك محد حياخذو، اسعى ياعبدي وانا اسعى معاك ...

بس فكرتي لك انك لا تخاف من المستقبل ، توكل على الله ...

يعني لو ذاكرت واشتهدت وكرفت ودعيت وصليت ورجعت بالشهادة صدقني بتلقى وظيفه افضل مليون مره .

اتمنى لك التوفيق والقرار قرارك

سلام عليكم

ما شاء الله سنك صغير و راتبك مرة طيب ما شاء الله

الله يرحم والديك واقولها من قلبي لا تسسسسسسستقيل لا تسسسسسسستقيل

أذا ناوي دراسة برى خذ اجازة من عملك أذ يعطوك و شوف هل موظفي القطاع الخاص ينضمون للبعثة , أنا موظف حكومي و أخذت اجازة و انتظر الالحاق للبعثة

او اطلع ابتعاث من جهة عملك

أو كمل دراسة في البلد انتساب

و في حاجة مهمة و ابغى اقول نسبة من راسي أكثر المبتعثين اذا لقى وظيفة في السعودية راح تبدا رواتبهم من تقريبا 8500-9000

ما عدا بعض الوظايف كالاطباء و المهندسين في القطاع الخاص و ليس الحكومي

نصحية لا تتهور

و الله يوفقك

اغلب الزوار يقولون لك لاتستقيل لكن الاستقالة تكون في حالة وحدة فقط
اذا كنت تهوى الدراسة وترغب في تطوير نفسك فاقول لك توكل على الله واستقل
وممكن حتى لو رجعت من امريكا ماراح تلقى وظيفة لانك بتجي ومعك البكارليوس لو ماستر افضل
بس المال والوظيفة ليست كل شيء
احيانا يكون راتبك عالي جدا ومرتاح وعايش حياتك ومبسوط لكن لما تشوف كل اللي حواليك وزملاء العمل وفي المجالس الي معه بكارليوس والي ماستر واللي دكتوراه وانت ثانوية عامة راح تشعر بالنقص وراح تظل تحز بخاطرك طول حياتك مهما كان راتبك
وممكن تظل على الحال هذا الى ان تكبر وشمعة وحماس الدراسة والامل يخفت في نفسك
الغربة درس عظيم جدا فضلا عن التعليم والشهادة
راح تقضي خمس سنوات بعيد عن اهلك ماعدا الاجازات تاركا وراءك الوظيفة ومستقيل
لولا المشقة ساد الناس كلهم الجود يفقر والاقدام قتال
احسبها صح اذا كنت هاوي دراسة وتبي تطور نفسك استقل بس ماراح تلاقي وظيفة بعد رجعتك بسهولة وممكن تجلس عاطل سنة او سنتين
واذا كاان المال والوظيفة والزواج هي اولوياتك فتمسك بوظيفتك وحاول تبتعث عن طريقهم
متمنيا لك التوفيق

انت راح تدرس على حسابك و هنا المجازفه بس اذا كنت طالع على بعثات الملك حفظه الله اقولك استقيل اعرف واحد طلعة له وظيفة في شركة اارامكو لكنه تركها و راح على بعثات الملك و رجع بشهادة تفوق مع مرتبة الشرف الاولى و الحين هو يشتغل في مكتب طيران براتب 16 الف ريال شهريا مااشالله جلس بعد البعثة بس شهر و بعدها على طول توظف ماشالله

والله ي اخ انا نفس وضعك معاي دبلوم تقنيه كهربائيه وموظف الان
فكرت جديا من 6 شهور تقريبا واستخرت ربي والله يكتب اللى فيه الخير
والحين اكمل اجراءات الابتعاث وبعدها الاستقاله :( الله يوفقنا

ي أخوان الموضوع مو سهل والله .. المشكلة انا ما ودي اتحسف بعد خمس سنوات واشوف ربعي اللي كانو معاي متزوجين وسيارات وبيوت من الشركه بعد هالسنين ووقتها اقول ليت وليت !!
ولا ودي افوت فرصة الباكالوريوس .. لأن طموحي كان ولا زال اني اكون مهندس واريد هذا الشيء .. لكن لو نظرنا للواقع .. الوظيفة ( يبيلها واسطه لو كانت شهادتك بروفيسوراه ما بتنفعك بعد الله سبحانه وتعالى ان لم يكن فيه واسطه + نظام الشركات وكل مكان يجيب اجنبي مهندس هندي ولا فلبيني يعطيه 9 الاف شهريا ولا يعطي السعودي 16 الف كل شهر !!
..
والله العظيم مشكله و يا ربي تييسرها :(
والف شكر لكل من شاركني برأيه بارك الله لكم !!

لو بيدي كانا انسان طماع

وربي لاوافق اعطيك بعثتي واخذ وضيفتك

راتب وشركه مضمونه مستقبها باذن الله

وش لك وش الغربه والهم كمل انتساب وانت جالك محل وراتب مضمون بجيبك ومستقبلك باذن الله مضمون مع ذي الشركه


ياما مبتعثين رجعو ولا حصلو وضااايف والبعض محضوض ويحصل من راتب ولا يجي زي رابتك كمان والبعض ربي رزقهم بوضيفه جدا رايعه

لا تخاااطر ابدا شى بيدك الحين امسك فيه ولا عشره اشياء ما تدري تمسكها بعدين او لا

There is a risk no doubt I mean about leaving your job, but if I were you I will take the plunge

يا عزيزي ..

انا كنت موظف بشركة شيفرون .. والراتب كاان يصك 13000 ولله الحمد ..

وازيدك من الشعر بيت .. متزوج وقريب يبي يجيني طفل ان شاء الله ..

ومع هذا كله .. استقلت وفارقت اهلي وزوجتي .. لعيون الشهاااادة ..!!

انت اوبريتور وانا كنت اوبريتور .. وانت تعرف كيف قسم الاوبريشوون .. ووش يصير فيه ..!!

استخير وتوكل ع الله .. واللي عقد رووس الجباال يحلها ..!!

ولا تخاف انك ماراح تلقى وظيفة اذا رجعت ..!!

انت في الجبيل وعارف وش الوضع ..

البلد مقبلة ع مشاريع ضخمه ومدن صناعية دبل الجبيل ثلاث مرات ...

وفي اسوء الاحوال ., اذا طلعت بعثة و ماتيسرت امورك ..

انت معك خبرة .. وع الوضع اللي صاير بالجبيل وخصوصا بالشركات ..

راح تلقى وظيفة بسرعه ان شاء الله ..!!

لا يموت بك الطمووح وناا اخووك ..!!

بالنسبة لي اتوظف ب 6 الاف ريال .. ومعاي شهادة اكاديمية .. واكون انسان متعلم واكاديمي ..

ولا اتوظف في وظيفة راتبي فيها 13000 .. ومامعي الا شهادة ثانوية ..!!!!!

نصيحتي لك ..

استخير واستخير ثم استخير .. وشوف بعدين اللي ترتاح له .. وتوكل ع الله ..!!

وبعدين ونا اخووك .. في مثل هالاموور .. لاااازم تكون حااااسم ..!!

الله يوفق الجميع يااارب ..!!